15-ноябрь күнү биздин делегация Deutsche Welle нин Берлиндеги имаратында экскурсияда болдук. Бизди DW нин кызматкери,биздин тааныш, Лидия Ранерт тосуп алды. Бул имаратта DW нин студияларын, кызматкерлеринин иштеп жатканын, Германияда, Европада белгилүү диктор айымдын түз эфирге чыгып жатканын көрдук.Бул жерде маалыматтар англис, немис,испан,француз,португал,араб тилдеринде берилет экен.

Студияларын жана андагы жабдууларды көрүп таң калдык. Акырында имараттын үстүнө чыктык да, Берлинди жамгыр жаап жаткан учурда бийик имараттан көрдүк.
DW менен таанышкандан кийин ушул имаратта жайгашкан ALEX BERLIN аттуу чыгармачыл медиа платформа менен тааныштык. Бул медиа өзгөчө контенттерди чыгаруу менен алек экен. Традициялуу программалардан башка бул жерде инновативдүү программаларды даярдашат экен-адамдар өзүлөрүн медиада иштеп көрсөтө алат экен. Алар өзүлөрү даярдаган маалыматтарды сайтка жайгаштыра алат экен жана радио же телеберүүнү даярдап, чыгарышат экен.
Андан кийин түшкү тамак учурунда Лидия Ранерт жана Юрген Линке-федералдык бириккен ачык каналдардын жетекчиси менен тажрыйба алмашуу жана кызматташуу тууралуу маек болду.

Андан кийин «Берлин дубалы» мемориалында болдук. Берлин дубалы тууралуу маалымат алып, мемориал жайгашкан жайды кыдырып, тааныштык.
Бул күнү Берлинде жамгыр жаап турду, бирок бул күн дагы кызыктуу өттү.
Мына, ошентип биздин дагы бир күнүбүз аяктады.
Даярдаган: Султаналы Чакчагаев, «Ак кептер», 24.11.16. Кара-Суу айылы.