“Ак-Кептер” жамааттык мультимедиа борбору

Жайыл району, Кара- Суу айылы

Айылдыктардын илдетке каршы иш чаралары

29 Март 2020 жыл 21:22
Көрүүлөрдүн саны: 13

Дүйнөлүк коронавирус инфекциясынын “пандемия” деп жарыяланышына байланыштуу Кыргыз республикасында “Өзгөчө кырдаал” жарыяланып, андан кийин, 25-мартта, Президенттин буйругу менен Бишкекте, Ош, Жалал-Абад облустарынын кээ бир райондорунда “Өзгөчө абал” киргизилди. Чүй облусунун Жайыл районундагы Кара-Суу айыл аймагында да бул илдеттин тарап кетүүсүн алдын алып, Кара-Суу айыл өкмөтү тарабынан бир топ иш-чаралар жүргүзүлүп жатат. Кара-Суу айыл аймагына кире бериш жерине кайтарылуучу пост коюлду, тургундарга кайрылуу жасалды жана айылдын тургундарын ун менен камсыз кылуунун үстүндө иштеп, бир мүшөк унду 1525 сомдон алынып келингени жатат.Мүмкүнчүлүгү чектелген жарандарга өзүнчө жардам берилгени жатат. Кара-Суу айылында жайгашкан “Ак кептер” жамааттык медиаборбор аркылуу Кара-Суу айыл өкмөтүнүн администрациясынын, Кара-Суу орто мектебинин директорунун жана Кара-Суу айыл башчысынын тургундарга, окуучуларга кайрылуусун күнүнө эки жолу радиорупор аркылуу берип жатат.

      190804_002
Жана ошондой эле Президенттин, Премьер-министрдин элге кайрылуулары да берилүүдө. Айылда тургундардын көчөдө басуусу кескин токтоду. Ары-бери баскандар аз. Айыл ичинде жазгы талаа иштери менен алектенкен дыйкандардын техникалары эле иштеп жатат. Кээ бир айыл тургундары үйдө отуруп алышып, бет каптарды тиккенди үйрөнүп жатышат.

Даярдаган: Чакчагаев Султаналы