—

-Саламатсыздарбы,Кара-Суу айылынын тургундары. Эфирде «Ак кептер» медиаборбору.Сиздер менен Данияр кызы Назик. Бүгүнкү чыгарылышта кант кызылчасы тууралуу маек куруп бермекчибиз. Кененирээк маалыматты. Кара-Суу айылынын тургундарынан алсак. Сөздү өз короосуна кызылча айдаган Ашырова Кымбат эжеге сунсак:
— Быйыл биз корообузга кызылча айдадык. Кырк сотук септик. Кызылча өзүңөр көрүп тургандай жакшы чыкты, биринчи отоосун отоп бүттүк. Кызылчаны кант заводуна өткөрүү оңой, сатып жиберсең да жакшы, акчасын тез аласың, көп күтпөй. Заводго өткөрсөң кумшекерин аласың, тоннасына 75 кг берет. Быйыл арпа, буудай, жүгөрү, беде урук, чөп өтө арзан болуп, ошондуктан көп дыйкандар кызылча себүүгө өтүштү деп ойлойм. Кызылча сепсең бала-бакыра кенен-чонон кумшекер жейт экен. Былтыр кырк сотук себип кырк тонна кызылча алдык. Пайда жакшы болду. Алган акчабызды үй салууга жумшадык. Быйыл да кызылчанын чыгышы жакшы, буюрса түшүм жакшы болот окшойт.

-Эмки сөздү Абылбаев Болот менен келинчеги Айгүл эжеге сунсак.
-Кызылчаны кумшекер алуу үчүн себебиз,-дейт Айгүл эже.
-Кызылча кымбаттады, ошон үчүн эл кызылча себүүгө өтүп жатышат. Башка пайда түшүрө турган вариант жок. Дыйкандардын иши ошо да.

— Сөз кезегин Калыс байкебизге берели:
— Менин атым Молдраимов Калыс, Кара-Суунун тургуну болом. Кызылчадан башкадан пайда жок, ошон үчүн кызылча септик. Экинчи отоосун отоп койдук. Буйруса кызылча жакшы көтөрүлдү.

-Сиздер уккандай быйыл Кара-Суу айылынын көпчүлүк дыйкандары кызылча себишти. Анткени кант кызылчасын өткөрүп жиберүү оңой, баасы дагы дыйкандарды канааттандырат. Ушуну менен берүүбүздү аяктайбыз. Кызылча сепкен дыйкандарыбызга мол түшүм каалайбыз. Сак саламатта калыңыздар. Даярдагандар: Данияр кызы Назик, Бексултанова Айгерим,Данияр кызы Элиза,Анвар кызы Айзада, 6-май, 2016-жыл, «Ак кептер».