14-ноябрда Фридрих Эберт фондунда болдук.Бул фонд Германиянын зң биринчи фонддорунун бири экен.Бул фонд өз атын Германиянын биринчи,демократиялык шайлоодо тандалып алынган, президентинин наамына коюлган экен.Фонддун негизги иштеринин бири-Германиядагы жана чет өлкөлөрдөгү демократиялык принциптерди колдоо экен.
Биз фонддун пресс-кызматынын жетекчиси Петер Донайски менен жолуктук. Донайски Эберт фондунун пресс-кызматынын иши тууралуу айтып берди.

Эберт фондунан чыгып, качкындар медиасына бардык. Бул жерде ар кайсы өлкөлөрдөн келген качкындар иштешет экен. Бул медиаборбордун иши тууралуу ошол жерде иштегендер айтып беришти. Бул жерде материалдар ар кайсы тилде чыгарылат экен. Гранттарды алып иштешет экен.
Саат 16-30 да Германиянын Бундестагына келдик. Туристтер көп экен.
Биринчи эле депутаттар жыйын өткөрө турган жайда болдук. Андан кийин советтик аскерлердин Рейхстагдын дубалдарына калтырган кол жазмалары менен тааныштык, абдан көп экен. Меркелдин кабинетине кире турган эшикти, Гитлердин «подвалына» кире турган эшикти көрдүк. Акырында Рейхстагдын «куполуна» чыктык. Кечки Берлинди рейхстагдын «куполунан» көрдүк.
Мына ушуну менен экинчи күнүбүз аяктады.

Даярдаган: С.Чакчагаев, «Ак кептер»,23.11.16. Кара-Суу айылы.