Кутмандуу күнүңүздөр менен, урматтуу айылдаштар. Сиздер менен «Ак кептер». Бүгүн биз сиздерге Кара-Суу айылында курулуп жаткан спорт комплекс тууралуу кеп куруп беребиз. Тагыраак маалыматты Жолдошбек уулу Адилеттен алсак:
-Саламатсыздарбы, мен Кара-Суу айылынын тургуну Жолдошбек уулу Адилет, 1990-жылы ушул айылда туулгам. Биз ушул клубту спортзал кылып жасап жатканыбыздын себеби, ушул айылдын жаштарды спортко машыгып, өздөрүнүн ден-соолугун чыңасын деп аракет жасап жатабыз. Айыл өкмөтүнүн карамында турган мурунку кинозал жараксыз абалда болуп калган.Биз кайра калыбына келтирип, жаштарга спорт комплекс тургузуп жатабыз азыркы учурда. Иштеп чогулткан акчабыз 180 миңге чукул акча болуптур. Биз быйыл негизи жаңы спорт комплекс салалык дегенбиз, бирок көп каражат керек экен. Ошондуктан ушул айылда турган жарабаган жалгыз клубубуз калыптыр, калганынын баары талкаланып калган. Кайра калыбына келтирип, спорткомплекс кылып алалык деп, өзүбүздүн ортобуздагы акчабызды салып жатабыз. Байкелерибиз колдоо көрсөтүп, жардам берип жатышат, байкелердин аттарын атап кетсем: Айылдык кеңештин депутаты Бейшенбек байке, Саламат байке, Талант байке, Анвар байке. Ушул салым кошкон байкелерге рахмат. Дагы жардамыңыздарды берсеңизднр болот. Кичине каражатыбыз жетпей турат. Келгиле, бир туугандар, жардам берип, спорткомплекстин курулушуна салымыбызды кошуп, быйыл бүтүп жаштарга жакшы шарт түзүп берели.
Чоң рахмат!

Кара-Суу айылынын тургуну Болотова Нурсия эжеге сөз сунсак:
-Биздин айылда клубту ремонттоп, жаштар үчүн аябай жакшы жаңылыктар болуп жатат. Көптөн бери (30 жыл) клуб иштебей жүргөн. Бирок азыр жаштар баары тең жапа тырмак киришип, өздөрүнүн астына бир максат коюп, бир чоң нерсе жасап жатышат. Мындан ары биздин балдарыбыз ошол жерден жашкы нернселерди үйрөнүшөт деп ишенем.

Кара-Суу айылынын жаштарына «Ак кептер» медиаборборунун атынан чоң-чоң ийгиликтерди каалайбыз.

Даярдагандар:Гүлзада Бейшенбекова, Элина Азаркулова.

06.09.17. «Ак Кептер».